夜宴 by 大叔 @ 港燦Pigsfarm生活點滴

有竹林、有武打、有舞劍、有劍舞、有譚盾、有張靚穎、有章子怡、有葛優、有周迅、有黃曉明、有吳彥祖、有情慾、有裸露、有陰謀，咁樣一齣大片，點可以唔滿意呀？
唔滿意，因為無劇情、無節奏、無腦！根本就是華麗糖紙包著的一團空氣。
作為重點的夜宴一場戲棚尾拉箱落雨收柴，皇帝拆穿陰謀之後忽然無無謂謂自殺，說是因得不到皇后的愛而自殺嗎？無交代過，計我話應該係先帝鬼上身報仇。
類似的來無蹤去無跡的理所當然劇情數不勝數駁不勝駁，人物很多但無靈魂大家都無戲可演，現代得很的對白出自古人之口，笑震全場。
中國版王子復仇記嗎？To be or not to be？ This is really not a question for this flim. :->
麻煩片商不要要求個個中國導演都整齣咁戲啦！十面埋伏係咁、無極係咁；而家夜宴又係咁！