港燦Pigsfarm生活點滴

話說週日中午有兩個港燦去又一城看了MJ的「遺作」This is it，然後就有了以下對話：

叔：真係可惜，似乎本來個show會好好睇呢！
歐：(瞌睡中) 我只看了十五分鐘就覺得很悶啦！畢竟他死時我還未出世，對他認識不多呢！(叔按：原來歐巴桑未夠一歲！) 你見到戲院內很多「年輕人」都睡了嗎？
叔：這戲不錯呀！
歐：我認為這堆支離破碎的片段不能也不應被稱為戲。
叔：……咁起碼這個「Video Product」比我原本想像中要好多了，也不算太粗製濫造。
歐：如果你原來期待一齣「七日鮮」，如今來了一齣「九日鮮」，那可不代表它很認真啊！
叔：……可那些舞台效果呀，MV短片呀等等都很精彩呀。
歐：這些原本應該是DVD的 making of附錄，如今隨便剪剪就拿出來賺快錢發死人財啦！如果係電視睇我覺得OK，買票入場睇是不值得啦！
叔：……咁係個video product裡面都反映了MJ係幾咁認真同尊重今次演出，我好記得佢話：「This is why we need to rehersal!」，天皇巨星呢！
歐：做緊o野認真係應該，唔勤力點做得天皇巨星？
叔：……咁起碼MJ情感係真摯誠懇，佢成日祝福大家又關注地球環境。
歐：咁重視環保就唔應該燒咁多煙花，應該著一套衫由頭唱到尾！
叔：……(無言)
 
Findings 1: 呢個「Video Product」唔係人人o岩睇，睇前檢查一下自己「Fans 度」同「early 八十年代度」先好。
Findings 2: 影評人石琪：米高積遜遺作生動可觀 ，不過其實寫得好普通無乜分析同創見。
Findings 3: 「This is not it！」運動：戲院遇上派傳單的fans，為偶像為真相出錢出力出精神出時間叫大叔很敬佩 。