margaret thatcher visit japan  
 
鐵娘子逝世當天,大叔在日本,百忙之中(係呀!去旅行期間一般都好忙,忙過返工)看了當地電視台的資料片段以及報紙選用的照片和評論(主要係英語的"The Japan Times")。基本上全部都係採用戴卓爾夫人當年訪日時見日皇、見首相;以及參觀小學同小朋友的合照本圖來自 nippon.com,1984年七大工業國峰會上戴卓爾夫人和當時美國總統列根和日本首相中曾根康弘碰面。我哋覺得最具代表性嘅喺人民大會堂前石階跌倒嘅照片一律無,同時就香港前途和北京政府角力一事亦只在英文報章中輕輕帶過,亦都無好像港媒一樣對其「不孝」子女口誅筆伐。
 
同樣地,去年梅姨主演的《鐵娘子傳》同樣對中英談判隻字不提,香港觀眾對此多數表示失望。
 
抽離點看,其實:
1. 訪日照片應該喺資料庫唔使俾錢買,拎起就用好正常。
2. 喺外國人眼中子女長大自立門戶少來往係好正常,「孝」呢個觀念真係中國人獨有。
3. 我哋眼中極之重要嘅嘢喺其他人眼中重要性截然不同,即如港報報導波士頓馬拉松爆炸案首先都表明無港、台參賽跑手受牽連,呢個角度點可能喺外媒中見到呢?
4. 同時外媒多數對逝者比較尊重,出醜的照片未必會再登,我想萬一克林頓有甚麼三長兩短,他和萊溫絲基的事應該也會低調處理。換著是中、台媒體,很難不撲出來抽水了。
創作者介紹

港燦Pigsfarm生活點滴

pigsfarm 發表在 痞客邦 PIXNET 留言(1) 人氣()


留言列表 (1)

發表留言
  • carjaswong
  • 老實說,鐵娘子的事蹟中,當然是把英國由左向右轉最重要,中英談判只是微枝末節而已. 港媒視野狹窄, 也反映了新一代沒有世界視野, 把本地的小事化成世界大事, 實在令人心酸.
  • 有陣時見到生果報等等將啲雞毛蒜皮嘅嘢放喺 A1,或者將啲國際趣聞當要聞咁做,真係無言。更無言係跟手發現好多人覺得咁樣先至"Juicy"、"貼近生活",而且嗰啲仲係媒介中人嚟......

    pigsfarm 於 2013/05/05 19:02 回覆

找更多相關文章與討論