又到收 league時，作為利物浦嘅 fans都好習慣向前望，因為啱啱過咗嗰季又無乜成績，咁總結嚟講又有好多嘢可以觀察到出嚟（本文中所有圖片來自網絡）：
1. 班頓羅渣士第一季執教嚟講屬於重整期，成績（無盃、聯賽最終排第七）當然唔係好，但係應該俾啲時間佢做嘢嘅，下年目標一定係前四......
2. 隊波今年有唔少年青球員獲得機會，史達寧、蘇素、韋斯登，甚至煞科戰先至上場嘅伊比都唔錯，未係主力但係都幫得吓手。一月簽入嘅高天奴同史度力治亦好後生，仲有傷咗好耐嘅馬田基利等等，前景樂觀。
3. 加歷查退休之後，中堅需要簽入具分量嘅人選，尤其是如果打算賣走史基度爾嘅話，不過一時狀態下跌係咪就要即賣呢？
4. 卡路爾個問題亦都要解決，三千五百萬鎊買返嚟嘅前鋒，唔啱領隊戰術擺喺度又唔係，平賣又唔係，係咪可以俾佢再試吓融入球隊呢？
5. 希望蘇亞雷斯專心踢波，唔好攪咁多其他嘢！同埋所有人心態都要調節吓，唔好阿蘇在陣就俾晒個波佢搞，呢幾場佢停賽進攻其實多元化同流暢咗。
6. 老問題：把握力希望加強啲啦！好多時攻極都入唔到波，由贏變和由和變輸，專門劫富濟貧（贏前列，和、輸俾中下游球隊），好傷。
7. 之前表現差嘅唐寧同軒達臣今季大有改善，希望佢哋 keep住爭氣啦！
8. 暑假買賣球員要快手同決斷，不過一月轉會窗成績唔錯，呢方面羅渣士令人有信心。
9. 選用陣式應該揸定主義，究竟係 4-2-3-1定 4-3-3呢？暫時睇嚟 4-2-3-1好似效果好啲。
全站熱搜
留言列表
中部北陸之旅2014 (4)
