其實大叔一向不太喜歡香港管弦樂團(HK Phil),總覺得從前的聲音很散慢、暗啞和鬆散,有種懶洋洋的味道。尤其是當你知道該團經費或者樂師薪水屬於世界前列水平之時,就更加要嘆一句:「點解香港政府咁水魚?香港人又咁慘?付出燒鵝價錢換來蔗渣味道……」話時話這個情況或者上兩位音樂總監都或多或少有點責任……
於是乎已經很多年無入場聽HK Phil,歐巴桑當然就很開心,不用再在音樂廳打瞌睡、典來典去、玩手電等等啦!

近來聽朋友說起HK Phil在新總監雷厲風行大執下有「脫胎換骨」的表現(好誇張),又說將要搬演馬勒和華格拿全套作品,來年仲要演「指環」四聯劇音樂會,不期然覺得有點想入場睇睇。
急急腳上官方網站找最近期的演出……初四晚加場「交響夢幻世界」?加場自然係好反應,於是大叔連演出曲目和海報也未見過就訂票……
準時到達表演場地就立即覺得「唔對路」:咁多細路?有「香兒」同場表演?曲目有「大長今」同「這是我家」?

原來這是一個幼兒向的演出,曲目以流行、簡短和易聽為主,因此在新春期間就吸引了很多父母帶同子女欣賞。
在相對簡單的曲目和輕鬆的氣氛下,幸好HK Phil還是保持了專業水準和態度。樂師之中似乎多了很多新面孔,新總監大刀闊斧作風看來所言非虛。的確這次演出是比從前聽過的光輝和明亮,尤其選了不少John Williams 的電影配樂關係,管樂部門獲得盡展所長的機會,相對弦樂部的表演空間就有限。例如星戰片尾曲我都忘記了第幾次聽他們演出,不過今次是比較神彩飛揚的一次。
今次歐巴桑都睇得好開心,因為反正小朋友觀眾們都「郁來郁去」,咁佢又可以名正言順坐唔定啦!

全站熱搜

pigsfarm 發表在 痞客邦 留言(4) 人氣()