位於油麻地公眾四方街對面的美都餐室主打懷舊包裝和氣氛,日頭去見住對面大榕樹下街坊眾生相頗有趣味。
晚間去呢?門口那個霓虹燈招牌也是很有feel的。

論價錢絕對不便宜,不過食物質素不錯,兼且古董收銀機、痰罐、菜牌等等全部有齊,歐巴桑見到痰罐仲鬼死咁興奮,想話即場示範點用添!
當晚我們八時多到達,樓上仍有八成多座位有食客,我仲偷聽到鄰桌坐了一班從台灣來的交換生,覺得「古物」得意十分地樂在其中,好似我地去左台南渡小月咁款!

正題講番食物,向歐巴桑推介了先前試過的焗排骨飯,牆上掛著「馳名五十年」的聲明。我認為這個飯的確做得很好,因為他們肯花功夫,先把排骨調味沾了脆醬炸香再和已炒底的飯焗至飯面微焦,難得地又不覺得太油膩。近年坊間賣焗飯的地方不少,但能做這焗排骨飯比美都更好的實在沒有。

我點了芝士雞絲焗意粉,比較清淡,不過在汁底和火候上也掌握得甚佳,不會有汁稀如水的情況,意粉乾身質地有嚼勁,不過不如焗排骨飯般香口而已。

去這些懷舊茶室總會想起紅豆冰,美都的紅豆冰是具水準之作,紅豆煮的時間好不會太軟或太硬,只是做好這點其實紅豆冰就不會難吃,但坊間店舖總是搞到鬼五馬六呢!
 
無帶相機關係照片用手電拍,質素麻麻大家請見諒。
 
美都餐室
油麻地廟街63號地下
2384-6402
人均消費:$60

全站熱搜

pigsfarm 發表在 痞客邦 留言(5) 人氣()