很久很久以前,小歐巴桑和小大叔分別到了不同的明星小學面試......


如果我給你$10000,你會買什麼?
小歐巴桑: 請問你指的是港幣、美金、日本Yen、英鎊、印尼盾定係人仔呢?
小大叔(深情地):買你想買的東西!

你喜歡哪個歌手或樂隊?試介紹。
小歐巴桑: Um...爸爸。他整天都在唱:「半斤八兩.....做到隻積咁嘅樣....吹.....」(小嘴及時被歐爸爸掩住)
小大叔: Cookies!!Yeah!....「又不是80年代.....」(點解70年代會有Cookies嘅?)

診所和醫院有何分別?
小歐巴桑(機械式地): 我的志願是做醫生,我要醫好患病的人.....
小大叔: 我們小孩子不去這些地方的!

如果你有很多錢,你會去哪個國家?
小歐巴桑(背書式): 我會去全世界最窮的地方,然後把錢分給有需要的窮人。
面試官(滿意地): 咁全世界最窮的地方是哪裡?
小歐巴桑(天真地): 天水圍!
小大叔: 嘿!我係唔會回答呢啲假設性嘅問題呀!

可否介紹一本你認有趣的書?
小歐巴桑: x然一週。媽媽每期都會在便利店的繁忙時間佔著有利位置打書釘,但從不付款購買.....
小大叔: x師傅流年運程!

如果發生火警,你逃生時會帶什麼?
小歐巴桑: 犯罪記錄磁碟。因為電視裡的角色逃走時也只帶它。
小大叔: 我係唔會回答呢啲假設性嘅問題呀!

你有否養寵物?可否略作介紹?
小歐巴桑: 嗚嗚!爸爸到處跟人說家中養了幾絛「化骨龍」,可是他一直收埋不給我們玩!
小大叔: 有蟑螂、老鼠、鹽蛇......

有一隻螞蟻跌落河叫救命,碰巧有一隻蝴蝶飛過,如果你是蝴蝶,會怎樣做?
小歐巴桑: 螞蟻話「救命」是怎樣說的?
小大叔: 我再講一次, 我係唔會回答呢啲假設性嘅問題呀!


看見有人打架會怎樣處理?
小歐巴桑: 走!
小大叔: 看看是否認識,如果識咪幫手「班馬」囉!

在地上看見有一個10元硬幣,你會怎樣?
小歐巴桑: 哈哈!10元硬幣90年代才有,現在重係70年代呀!
小大叔: 費事執!咁cheap!

如果收到陌生人電話,又沒有家長在家,你會怎辦?
小歐巴桑: 告訴他我們不做問卷調查、不等錢用和不需要買保險!
小大叔: 都話唔會回答呢啲假設性嘅問題囉!

請唱一首普通話兒歌
小歐巴桑: 「旺...旺....真....好....味....」
小大叔: 「起來....不願做奴隸的人們.....」

Do you know Putonghua? Would you tell me your name?
小歐巴桑: I...I...東...撈....english....I...try...my....breast....
小大叔: 利金叻佑吳建利知機江機居仙!

平日多應酬嗎?多回家吃晚飯嗎?
歐爸爸: 我們家從不出外吃飯的
叔爸爸: 而家算唔算應酬緊?

你的職業是什麼?
歐爸爸: 雖然我獨資經營的只是本地小企業,但係敝公司的客人層面同涵蓋範圍都好廣,連有關當局都好關心敝企業的發展呀....
面試官: 咁即係....
小歐巴桑(天真地): 八折的士黨!
叔爸爸: 傳統上班時裝設計師!
小大叔(「懶」聰明地): 即係裁縫囉!

可否談談自己的教育理念?
歐爸爸/叔爸爸: 識就去咗教書啦!

如果當年有那些甚麼面試培訓班的話,大叔和歐巴桑也許未必有機會像現在一樣,過著快快樂樂胡胡塗塗的日子了.......{#emotions_dlg.emotion_b02}

延伸閱讀:

名校刁鑽小一面試題 網上熱傳 clinichospital分別?」 「給你1萬元會買什麼?」

全站熱搜

pigsfarm 發表在 痞客邦 留言(4) 人氣()