宮津天橋立位列日本三景，和嚴島神社及松島齊名。講真去之前唔係太大期望，覺得唔係太特別，類似的連島沙州喺香港長州亦有，先前去過嘅小豆島天使之路亦都係呢種景色。
不過去到現場登上傘松公園觀望，感覺截然不同，現場睇實在宏偉得多，如同一條飛龍從天而降。同時成功「昆」到歐巴桑用奇奇怪怪嘅「股見」姿勢，單單係呢個表演已經值回票價。
另外仲有兩樣嘢係值得一提：
1. 傘松公園位於山上，上落可以選乘吊椅，無遮無掩加上清風和美景，令人心曠神怡。
2. 公園附近的海鮮十分馳名，尤其沙甸魚無論罐頭抑或新鮮燒烤都罕見地好吃，而且價錢不貴。鄰近手信店有售，而曬乾的章魚拿來煲湯也是極佳。
同日增遊距天橋立半個小時車程的伊根舟屋，當地漁民特別設計屋宇一半在陸上，但向海一面則可以泊入小艇，和香港大澳的棚屋類似。
伊根灣漁村規模不算大，高低錯落間只建有約二百三十間兩層或三層的傳統日式屋子，據說所有現存的屋都是國定文化財古跡，外觀不可以隨便改動。駕車其中，道路婉延，傍海而奔，小屋沿岸建築，寧靜安逸十分舒服。海中有頗多養殖魚排，相信不少居民現已不再埔魚，而是靠養殖為生。
當我們兩個港燦在當地鬼鬼崇崇地徘徊時，幸運獲得一位老太太邀請進屋參觀，當天是工作天遊客不多，而她竟然如此信任我倆，讓我們進屋打攪實在非常驚訝，也真的十分感謝，機會難得呢！
登 登 登 登.....
千呼萬喚....萬眾期待....熱心「神秘讀者」提供資料的疑似大叔股見圖
文章標籤
全站熱搜
留言列表
中部北陸之旅2014 (4)
