港燦Pigsfarm生活點滴

住在同一間屋和使用同一個信箱，男女主角可以寫信互相溝通，但是卻不可以立即見面，因為兩個人之間相距兩年時間……
說到這裡就不用多介紹大家都知道是《觸不到的戀人》，近日鬼佬版的《情留戀屋》一區影碟也有售了，於是又去買了回來。同一齣戲買幾個版本，因為十分喜歡嘛！ (左至右：當年舊韓版、前年remaster新韓版、今年美版一區)


同時同一個故事在不同導演的手中有不同處理，看看對於學習怎樣當導演或者拍攝短片頗有幫助。
例如這個個案，韓版在前，男女主角是十分年輕的(二十歲上下)李政宰和全智賢，電影就把他們塑造成兩個孤兒一樣，無家人，和外界無聯繫。一味著力玩鏡頭玩氣氛，以feel出發，很多內容其實都無講清楚。


到荷理活買版權翻拍，手上個cast係奇洛李維斯同姍迪拿布洛，成個外型上心境上upgrade到三十幾四十歲。而且韓版珠玉在前，美版又純行feel一定衰硬，於是佢玩補充。男女主角有背景、有工作、有屋企人、有愛侶，除了信中人之外多了很多其他interaction，補足了韓版裡唔清唔楚的內容，又過到骨有功課交。

當然，合理是兩齣片的共同死穴，如果你又好似歐巴桑咁多問題：
「點解唔打手提？點解唔查黃頁？點解唔找上門？點解唔去工作地點等佢？點解既然男主角無死又唔去餐廳？」
全部都解唔通！
所以唔該熄左個腦先睇，用個心去浪漫下得架啦！