2013-01-30 14.51.39  

聞名已久嘅國際咖哩館一直都未有機會一試,直到早前喺附近做嘢時大叔終於把握機會品嚐其馳名巴基斯坦咖喱,先講結論:價錢雖然比多數食咖哩的地方略貴,不過用料和調味都用心有特色,可以一試。

 

某天喺灣仔近電車路嗰邊做開嘢,如果行返去平時去開謝斐道莎芭嗰啲有少少遠,突然見到國際咖哩館招牌。其實聽朋友們提起一段時間,不過一直唔知原來喺呢條橫街,既然有緣自然要一試。

2013-01-30 14.26.34  

當其時已經下午二時多,推門內進仍有幾檯客人,個個睇晒財經報紙咁,唔通都係做股票嘅?

餐牌又大又重十分懷舊,美食全部都是不同國家的咖哩。大叔認識唔算深,簡單點個最多人叫嘅巴基斯坦咖喱牛配薄餅試試。七十多元的消費,以工作天嘅午餐嚟講算略為高消費。

2013-01-30 14.26.19  

咖喱牛選材上有不少大叔最愛的連筋膜牛腩,香濃入味亦富嚼勁。同時巴基斯坦咖喱比較純粹(有炸蒜片提香味是特色),吃得日式、泰式或者馬來西亞式加了大量椰漿或者蘋果落去煮的品種,吃回這種「本來面貌」嘅咖哩感覺反而新穎。

至於薄餅就沒有甚麼特別之處,沾咖哩汁算好吃,不過比較乾身和粗糙,相對嚟講,大叔都係鍾愛多油又唔健康嘅油酥薄餅多啲。


國際咖哩館
灣仔大王東街26號
2529 0088

創作者介紹

港燦Pigsfarm生活點滴

pigsfarm 發表在 痞客邦 PIXNET 留言(0) 人氣()