港燦Pigsfarm生活點滴

 
 
又到收 league時，作為利物浦嘅 fans都好習慣向前望，因為啱啱過咗嗰季又無乜成績，咁總結嚟講又有好多嘢可以觀察到出嚟（本文中所有圖片來自網絡）：

賓尼：「Dirk，踢得好！」
Kuyt：「那就讓我多點踢正前鋒吧！」
實在等得太久了！己隊表現差輸掉無話可說，但很多情況是表現不錯但無無謂謂地落敗。過去八次碰頭都未曾在聯賽贏到曼聯，講起都心酸......
宿命論終於打破！

我回家做節時睇利記比賽基本未贏過，三分鐘讓迪維斯入了一球，心想：「無咯.......」
幸好事態發展不是再一次傾向曼聯......
Ryan Babel射入2:1一刻，之前Mascherano和Kuyt出波也有很大功勞。
Anfield 震動：「後備王又入波啦！」
球員慶祝一刻，Gerrard：「好o野o下衰仔，搶晒我鏡。」
Kuyt其實都踢得好好，如果果兩球半chance入埋仲好。
贏波三分重要，增強信心更重要，Yeah!

(圖片來源Getty Image)
勁開心！近幾年開league戰都未贏過，今年終於在吃足驚風散下贏到，取足三分，仲要作客添。
托利斯同巴布上場雖然無入球，但都顯示出能力，這點比贏波更開心。尤其是賴恩巴布，係大球場睇到火滾，但昨晚又後備上陣表現搶鏡。謝拉特入致勝球之後開心表情也是很久不見，在香港好似全程無笑過。
總算是有個好開始，希望狀態可以保持，下週主場要對車路士。
都係時候出去買作客波衫，今年件白色好靚，燙埋9號仔先。

全場滿座的大球場！
這陣子香港的天氣還真是熱得不可理諭，藍色天空下日日陽光普照，有人開始覺得還是來點懸浮粒子遮遮惡毒的陽光好，又話要發起「灰天行動」了。
幸好英超亞洲挑戰盃是在傍晚上演，踢的和睇的就比較輕鬆少少，當然傍晚二十八度攝氏還是挺熱，但怎也勝過03年那次利物浦訪港晒到中暑！
兩場比賽後都有二十分鐘cool down。排了一個通宵換來坐在前排第四行的球票，同事們問我：「好唔好睇？」我就總覺得自己fans心態答案必定有欠中肯，即是球員們隨便落場企係度我都會話好睇。

在亞洲國際都會的香港，要買兩張球票要花多少時間？
等資深(即係老)記者大叔為你直擊報導......
英超挑戰盃球票在七月七日上午九時開賣，大叔在六日晚上八時收到網友電話匆匆趕到大球場，已經排八百幾位。
晚上九時足總開門讓入龍在大球場看台坐著等，有位坐又可免淋雨之苦。
不過入坐取籌後不可離開大球場，晚上十一時大叔目睹唯一一部汽水機故障，三千幾囚犯陷入斷水斷糧之慘狀。

今天回家發現多了一個英國來的信件，拆開一看原來是由利物浦而來的小小紀念品，不由感到十分開心...... 
話說利物浦球員施素高(Momo Sissoko)在二月對賓菲加的歐聯賽事中眼睛受創，大叔第二天買了慰問咭寄去Anfield. 
幸運地他在一個月後奇跡康復，重回球場作賽，這可能顯示了他的重要性，他缺陣期間球隊陷於低潮，復出後球隊立即連戰連捷。

近月來少了很多談利物浦的內容，因為好像總是寫一些不利的消息。
But not this time，落後三球之後連追三球，互射十二碼之後擊敗AC Milan，創造經典一戰，贏得歐聯冠軍。
對於大叔這種追捧了球隊多年的fans來說，感受特別深刻。
多年來，戰績有起有跌，浮浮沉沉，但是忠心的擁躉總會和球隊站在一起。

許勝不許和的生死戰中，中柱、詐胡、先失一球，最壞的情況全都出現。
半場落後一球，晏菲路的主場球迷一臉愁容，要入三球起死回生，在如今前鋒荒的情況下，誰會相信？
堅持、努力和拼搏，球員的努力，得宜的調度，球迷的支持，半場真的入三球，絕處逢生！
後備前鋒冼拿馬和美羅，還有隊長謝拉特擔起入球重任，完場笛聲鳴響時，晏菲路歡聲震天。

繼施斯斷腳長休一年後，利物浦另一(或者僅餘唯一)正選前鋒巴路士也在為國出征世界盃外圍賽時拉傷大腿，傷出六週。
「天呀！仲有無黑D添呀！唔好玩啦！要到一月先買得人，仲有個幾月點呀？唔出前鋒呀？」
註：上圖來自(CliveBrunskill/GettyImages)

球賽已經過去幾天心情還未平復，真的想講句「有無攪錯，殺人呀？」說的是布力般對利物浦，去季有兩個利記球員在此重創，今年施斯又斷腳，要長休一年，伊活公園真不愧大凶地，布力般也的確很「暴力」。
其實大家都是職業球員，用腳「搵食」，這些行為態度是否很要不得呢？衷心希望施斯早日康復(我已寄了問候咭去Anfield)，也希望布力般降班。:-<